“დავაინიცირე კანონპროექტი, რომელიც ეხება მორატორიუმის გამოცხადებას” – ანა ნაცვლიშვილი

საქართველოს იუსტიციის უმაღლესი საბჭოს 4 მოსამართლის არჩევას პოლიტიკოსები ეხმაურებიან. პარლამენტის ფრაქცია “ლელო – პარტნიორობა საქართველოსთვის” წევრმა, ანა ნაცვლიშვილმა ჟურნალისტებთან კომენტირებისას განაცხადა, რომ “ლელომ” საკანონმდებლო ორგანოში ახალი კანონპროექტი დააინიცირა, რომელიც მოსამართლეების არჩევასთან დაკავშირებით მორატორიუმის გამოცხადებას გულისხმობს:

“უკვე დავაინიცირე კანონპროექტი, რომელიც ეხება მორატორიუმის გამოცხადებას, როგორც იუსტიციის საბჭოში, ასევე, უზენაეს სასამართლოში ნებისმიერი პირის არჩევაზე ან დანიშვნაზე მანამ, სანამ პარლამენტს არ ექნება სრულყოფილი შესაძლებლობა, იმსჯელოს რეფორმის შინაარსზე. მანამდე ყველა ტიპის დანიშვნა უზენაესსა და საბჭოში უნდა იყოს შეჩერებული, რათა რეფორმის შედეგებს არ შეექმნას სერიოზული რისკი“, – აცხადებს ანა ნაცვლიშვილი.