ინტერნეტგამოცემა “ტაბულას” დამფუძნებელი თამარ ჩერგოლეიშვილი, ეხმიანება “ევროპული საქართველოს” პარტიული სიით გასულ და პარლამენტის მანდატის მფლობელ ტარიელ ნაკაიძის გადაწყვეტილებას პარლამენტში შესვლის თაობაზე:
“მიხარია, რომ უპირო კაცები თავს ავლენენ და შუა გზაში ხელს აღარ შეგვიშლიან.
აი ამ უპიროს, არც ეკუთვნოდა ეგ ადგილი – ბუცხრიკიძე უნდა შესულიყო ამის ნაცვლად. კონკურენციით მოუგო.
ამან ვერ მოიგო – ჩაფლავდა.
რაში უნდა ვენდო? ან რატომ უნდა იყოს მომავალში რამე საქმეში პარტნიორი?
ან სერიოზულად რატომ უნდა აღვიქვა კაცი, რომელიც პირიდან ისე ისვრის სიტყვებს, თავად არ სცემს პატივს?” – წერს ფეისბუქის პირად გვერდზე თამარ ჩერგოლეიშვილი.
ინფორმაციისთვის: “ევროპული საქართველო” რამდენიმეთვიან ბოიკოტის რეჟიმშია და უარს აცხადებდა პარლამენტში შესვლაზე. პარტიამ არც შარლ მიშელის ეგიდით მომზადებულ შეთანხმებას მოაწერა ხელი. პარტიის თავმჯდომარის გიგა ბოკერიას პოზიციაა რომ პარტია პარლამენტში არ შესულიყო.
“ამ არალეგიტიურ პარლამენტში ჩვენი მონაწილეობის საჭიროებას ვერ ვხედავ” – გიგა ბოკერია
