საქართველოს კათოლიკოს-პატრიარქი, ილია მეორე ისრაელში განვითარებულ მოვლენებს ეხმაურება, განსაკუთრებულ მწუხარებას გამოთქვამს პრაგიკული ფაქტების გამო და მოსახლეობას მშვიდობისთვის ლოცვისკენ მოუწოდებს:
“წმინდა მიწაზე განვითარებული საომარი მოქმედებები ადგილობრივ მცხოვრებთა და მთელი რეგიონის უდიდესი განსაცდელია, მაგრამ იგი, ამავე დროს, მილიონობით სხვა ადამიანის გულისტკივილია, მათ შორის, რა თქმა უნდა, საქართველოშიც, რადგან ჩვენი სულიერი ცხოვრება დიდად იყო და არის დაკავშირებული იერუსალიმთან და წმინდა მიწასთან.
ამიტომაც, ბუნებრივია, ფრიად ვწუხვართ შექმნილი დაძაბული ვითარების გამო და მოვუწოდებთ ჩვენს მოსახლეობას, ყოველდღიურ ლოცვებთან ერთად, განსაკუთრებულად შესთხოვონ ღმერთს მშვიდობა როგორც იერუსალიმისა და წმინდა მიწისთვის, ისე საქართველოსა და მთელი მსოფლიოსათვის“, – აღნიშნავს საქართველოს კათოლიკოს-პატრიარქი.