“ჩვენთვის მთავარია წავახალისოთ მეტი ვაქცინაცია” – ნათია თურნავა

დღეს გამართული მთავრობის სხდომის შემდეგ საქართველოს ეკონომიკისა და მდგრადი განვითარების მინისტრმა, ნათია თურნავამ განცხადება გააკეთა. მინისტრმა მიუთითა, რომ კორონვირუსის მესამე ტალღასთან გასამკლავებლად მთავრობა ვაქცინაციის პროცესს ააქტიურებს, ვაქცინაცია ტურიზმის ინდუსტრიაში წარმატებით მიმდინარეობს და თავად მინისტრიც აპირებს, აიცრას: 

 „დღემდე ჩვენ ვახერხებთ იმას, რომ სერიოზული შეზღუდვების გარეშე ვაკონტროლოთ ვითარება. რა თქმა უნდა, ახლა კორონავირუსის მესამე ტალღაა და მას ახასიათებს უფრო მაღალი დადებითობის მაჩვენებელი, უფრო მაღალი დღიური ინფიცირება, მაგრამ პარალელურად ჩვენთვის მთავარი არის, წავახალისოთ მეტი ვაქცინაცია. თქვენ იცით, რომ ამ რამდენიმე ხნის წინ მთავრობამ მიიღო გადაწყვეტილება, მაგალითად, ვაქცინაციის თვალსაზრისით ტურიზმის ინდუსტრია ამოიტანა პრიორიტეტებში, დავიწყეთ განაცხადების მიღება, საკმაოდ კარგად მიდის პროცესი, აქტიურად ერთვებიან ტურისტული ობიექტები და მე თავადაც ამ დღეებში მათთან ერთად ვგეგმავ ვაქცინაციის ჩატარებას“, – აცხადებს ნათია თურნავა.

ავტორი
ნატალი ბაკურაძე