“უტიფრობის, უპრინციპობის და მედროვეობის კლასიკური მაგალითი – ოქრიაშვილი!” – სერგო ჩიხლაძე

პარტია “სტრატეგია აღმაშენებლის” პოლიტსაბჭოს წევრი, სოციალურ ქსელში მწვავე შეფასებებს აკეთებს პარტია „პროგრესი და თავისუფლების“ ლიდერის კახა ოქრიაშვილის მიმართ და მას უტიფრობის, უპრინციპობის და მედროვეობის მაგალითს უწოდებს:

“უტიფრობის, უპრინციპობის და მედროვეობის კლასიკური მაგალითი – ოქრიაშვილი! 9 წელი რომ ნაცების მეხოტბე ხარ, მერე 8 წელი ოცნების აპოლოგეტი, მერე ისევ ნაცზე უფრო ნაცი ხდები და სხვას ქოცობაში სდებ ბრალს. 17 წელი რომ პარლამენტში ზიხარ, თან თითო წამალში რომ 300%-ს იგებ და თან რომ წუწუნებ წაგებაზე ვმუშაობო…

P.S. არავის დავიწყებია, რომ ამ ადამიანმა, ბიძინას გულის მოსაგებად, პარლამენტში კენჭისყრისას პროპორციული არჩევნების წინააღმდეგ მისცა ხმა!“, – წერს ფეისბუქის პირად გვერდზე სერგო ჩიხლაძე.