საქართველოს შინაგან საქმეთა მინისტრი, ეროვნული უსაფრთხოების საბჭოს მდივანი, ვახტანგ გომელაური ამნისტიის კანონოროექტთან დაკავშირებით აცხადებს, რომ ამნისტიის კანონი სამართლიანად უნდა შეეხოს ყველას – თუ ეხება მძიმე მუხლებს, მსუბუქებსაც უნდა შეეხოს:
,,მე როგორც შინაგან საქმეთა მინისტრი, ამნისტიებს უნდა ვეწინააღმდეგებოდე, მაგრამ პოლიტიკური გადაწყვეტილება იქნა მიღებული მთელი ევროპის, ასე ვთქვათ, პოლიტიკოსები იყვნენ ჩართულნი. მოლაპარაკებების რამდენიმე რაუნდი გაიმართა და გადაწყდა, რომ უნდა მივიღოთ ეს ამნისტია.
მე არ ვთვლი, უსამართლოა რომ პოლიციელებსაც ეხებათ, არა იმიტომ, რომ შინაგან საქმეთა მინისტრი ვარ და აქედან გამომდინარე პოლიციელებს ვიცავ, არამედ ვთქვათ მაშინ ასე შევხედოთ – ყველაზე მძიმე მუხლი ბატონ ნიკა მელიას აქვს მიყენებული.
თუ ბატონ ნიკა მელიას უნდა შეეხოს ეს ამნისტია, უფრო მსუბუქ მუხლებს რატომ არ უნდა შეეხოს?! ეს ხომ უსამართლობა იქნებოდა? მძიმე მუხლებს ისედაც არ ეხება. მაგალითად, 117-ე მუხლს არ შეეხება, როგორც ჩაწერილია. აქედან გამომდინარე მე ვთვლი, რომ სამართლიანია, თუ მე უფრო მძიმე მუხლი მაქვს მიყენებული და მე მეხება, რა თქმა უნდა, ჩემზე მსუბუქი დანაშაული ვინც ჩაიდინა, მასაც უნდა შეეხოს“, – განაცხადა ვახტანგ გომელაურმა.
ავტორი
ნინი ხიჯაკაძე
