საქართველოს პარლამენტის თავმჯდომარის პირველი მოადგილე გიორგი ვოლსკი ნიკა მელიასთან მიმართებაში აღნიშნავს, რომ ეს იყო სახელმწიფოს წინააღმდეგ მიმართული დანაშაული, რომელსაც მოჰყვა მძიმე შედეგები:
,,თავად მელიასთვის მხოლოდ 225-ე მუხლის მიყენება მომავალში შეიძლება არც იყოს საკმარისი და ვინმეს გაუჩნდეს მოსაზრება, რომ ეს მხოლოდ ჯგუფური ძალადობა არ იყო.
ეს სახელმწიფოს წინააღმდეგ მიმართული ძალადობრივი ქმედება იყო, რომელმაც მძიმე შედეგები გამოიწვია.
ამნისტიასთან დაკავშირებით თუ არ იქნება თანხმობა, აქტიური წინააღმდეგობა თუ იქნება ამასთან დაკავშირებით, რასაკვირველია, სამართალწარმოების პროცესი გაგრძელდება. თუმცა ეს იმას არ ნიშნავს, რომ ამნისტია არ შეეხება ადამიანს, რომელსაც ნებისმიერ დროს შეუძლია თქვას, რომ ამნისტიაზე თანახმაა.
თუ ადამიანი ამნისტიის წინააღმდეგია, როგორ შეიძლება, რომ ძალით იქნეს ამნისტირებული?!” – განაცხადა გიორგი ვოლსკიმ.
ავტორი
ნინი ხიჯაკაძე
