დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე იმუნიზაციის პროცესის მნიშვნელობისა და მისი აუცილებლობის თაობაზე ამახვილებს ყურადღებას:
“ყოველდღიური მაჩვენებელი რომ საშუალოდ 1500, რა თქმა უნდა, არის ძალიან დამაფიქრებელი და კიდევ და კიდევ ერთი გზა არის ის, რომ თავი დავიცვათ – ესაა პირბადე, დისტანცია, თავყრილობებისაგან თავის არიდება და ვაქცინაცია, რასაც ვხედათ, რომ ადამიანები აქტიურად იცრებიან. მთავარი ამ ეტაპზე არის ის, რაც უფრო მეტი ადამიანი აიცრება, განსაკუთრებით რისკის მქონე ადამიანებიები, რომ ჩვენ სიცოცხლეები გადავარჩინოთ.
ადგილების დამატება ნამდვილად იგეგმება, იმიტომ რომ პოლიკლინიკურ ქსელში გაფართოვდება ვაქცინაცია. რაც შეეხება Sinopharm-ის ვაქცინას, ეს არის ძალიან გამოცდილი ვაქცინა. ვაქცინამ უკვე დაამტკიცა თავისი უსაფრთხოება, თავისი ეფექტურობა და ძალიან დიდი იმედი მაქვს, რომ ჩვენთანაც ძალიან წარმატულად გაგრძელდება ვაქცინაციის პროცესი,” – განაცხადა პაატა იმნაძემ.
ინფორმაციისთვის: გუშინ დაავადებათა კონტროლის ეროვნული ცენტრის ხელმძღვანელი, ამირან გამყრელიძე, ხოლო დღეს შინაგან საქმეთა მინისტრი ვახტანგ გომელაური და სამინისტრო სხვა თანამდებობის პირები, Sinopharm-ის ვაქცინით აიცრნენ.
აღსანიშნავია, რომ დღეს გამოქვეყნებული კოვიდსტატისტიკის თანახმად, ქვეყანაში იზრდება ინფიცირებისა და გარდაცვალების რაოდენობა, გაზრდილია დადებითობის მაჩვენებელიც.
