საქართველოს პარლამენტის თავმჯდომარის პირველი მოადგილე გიორგი ვოლსკი ეხმიანება ნიკა მელიას პატიმრობის საკითხს და აღნიშნავს, რომ იგი უნდა დათანხმდეს გირაოს, რადგანაც ასეთი გაურკვეველი სიტუაცია ხელს აძლევს რუსეთს და “ნაციონალური მოძრაობაც” ამ პოლიტიკას აწარმოებს:
,,გირაოსთან დაკავშირებით არანაირი პოლიტიკური სვლა არ იქნება.
პრაქტიკულად სვლა აღარ დარჩა და გირაოს უნდა დათანხმდეს. უნდა გამოვიდეს, მაგრამ როლიდან და ფუნქციიდან ვერ გამოდის, რომელსაც ჰქვია აი ასეთი შტურმის მომწყობთა ბრიგადირი.
ეს არის ის როლი, ის ფუნქცია, რაც მოირგო და ამ როლით ვერ გახდა პოლიტიკური გმირი და პოლიტიკური წამებული. ათას სისულელეებს იგონებენ და ამის გარშემო უნდათ რაღაც ესეთი შექმნან, გაურკვეველი სიტუაცია.
აქ მუშაობაა საჭირო და ამ მუშაობის რესურსი არ გააჩნია კონკრეტულ პოლიტიკურ ძალას და უნდათ, რომ ყველა ჩაითრიონ იმ პროცესში, რომელიც თვითონ დაგეგმეს.
ერთადერთი ამ სიტუაციაში მოგებული გარეშე ძალა ვინც არის, გამოდის რუსეთი და ფაქტიურად ფეხაწყობით არის ეს პოლიტიკა, რომელსაც აწარმოებს ,,ერთიანი ნაციონალური მოძრაობა”, – განაცხადა გიორგი ვოლსკიმ.
ავტორი
ნინი ხიჯაკაძე
