“მინდა, რომ ნიკა იყოს გარეთ, იბრძოლოს გარეთ და არა ციხეში” – მამუკა ხაზარაძე

პარტია ,,ლელოს” თავმჯდომარე, მამუკა ხაზარაძემ დღეს საპატიმროში “ნაციონალური მოძრაობის” თავმჯდომარე ნიკა მელია მოინახულა. საპატომროდან გამოსვლის შემდეგ კომენტარი გააკეთა ჟურნალისტებთა, სადაც აღნიშნა, რომ მისი პარტია შევიდა ინიციატივით, რომ შეიქმნას საგამოძიებო-საპარლამენტო კომისია, რომელიც სრულად გამოიძიებს 20 ივნისის ფაქტებს და მხოლოდ ამის შემდეგ შეიძლება ნიკა მელიას ამნისტიაზე საუბარი:

,,მინდა ჩემი ადამიანური განცდა და ჩემი მეგობრების განცდა გადმოვცე.

მინდა, რომ ნიკა იყოს გარეთ. იბრძოლოს გარეთ და არა ციხეში.

ეს არის უნიკალური შანსი, ევროკავშირის ფონდის გამოყენება იმიტომ, რომ ეს არ არის რაიმეს აღიარება, პირიქით ეს არის ,,ქართულ ოცნებაზე” სილის გალაწუნება.

კიდევ ერთხელ ვიმეორებ, ევროკავშირი და მისი ფონდები დამნაშავეებისთვის გირაოს არ იხდიან.

მეორე საკითხი, თქვენ იცით, რომ ,,ლელო” შევიდა ინიციატივით, რომ შეიქმნას საგამოძიებო-საპარლამენტო კომისია, რომელიც სრულად გამოიძიებს 20 ივნისის ფაქტებს. მხოლოდ ამის მერე არის შესაძლებელი ამნისტიაზე საუბარი და მისი განხორციელება“, – განაცხადა მამუკა ხაზარაძემ.

ავტორი
ნინი ხიჯაკაძე