ადმინისტრაციულ სამართალდარღვევათა კოდექსში შეტანილ ცვლილებებთან დაკავშირებით, რამაც სანქციების გამკაცრება გამოიწვია ასკ კონკრეტულ მუხლებთან მიმართებაში, ეხმიანება ,,სტრატეგია აღმაშენებლის” პოლიტიკური საბჭოს წევრმა სერგო ჩიხლაძემ და აღნიშნავს, ხელისუფლება არაევროპულ გზას ადგას, რომ ამ ცვლილებებთან დაკავშირებით საქართველოში ამერიკის საელჩომაც ნეგატიური დამოკიდებულება დააფიქსირა და ამასთან ცვლილებები საპროტესტო მუხტს ვერ შეანელებს:
,,ადმინისტრაციულ სამართალდარღვევათა კოდექსში შეტანილ ცვლილებებს ეხმაურება აშშ-ის საელჩოც და კიდევ ერთხელ ამბობს, რომ ეს არ არის დემოკრატიული ნაბიჯი. ისინი წუხილს გამოხატავენ და პირდაპირ წერენ, რომ ,,ქართულმა ოცნებამ” მიიღო არასწორი გადაწყვეტილება. ეს არ არის გზა ევროპისკენ, დასავლეთისკენ, ეს არის გზა ლუკაშენკოსკენ, პუტინისკენ და ბერდიმუხამედოვისკენ. აი ასეთ გზას ადგას ხელისუფლება.
ეს ვერ შეაჩერებს ვერც პროტესტს, ვერც სამოქალაქო აქტივისტებს, ვერც მიტინგებს.
ეს არის მათი მცდარი იდეოლოგია.
ერთადერთი გამოსავალი ახლა ტექნიკურად არის ქალბატონი პრეზიდენტი ვეტოს თუ დაადებს კანონპროექტს“, – განაცხადა სერგო ჩიხლაძემ.
ავტორი
ნინი ხიჯაკაძე
