“უნდა დავასრულოთ ეს გარჩევები და ვიწრო პარტიული ინტერესების ნაცვლად გადავიდეთ იმაზე, რომ რეალურად, ფუნდამენტურად შევცვალოთ გარემო ქვეყანაში” – გიორგი ვაშაძე

ამნისტიის ალტერნატიული კანონპროექტზე საბოლოო შეთანხმების მიზნით შარლ მიშელის დოკუმენტზე ხელმომწერი ოპოზიციონერი ლიდერები “სტრატეგია აღმაშენებლის” ოფისში შეიკრიბნენ. აღნიშნულ საკითხთან დაკავშირებით განმარტებები გააკეთა ,,სტრატეგია აღმაშენებლის” ლიდერმა გიორგი ვაშაძემ. ოპოზიციონერი ლიდერი მოუწოდებს ოპოზიციურ პარტიებს, რომ განაგრძონ თანამშრომლობა, რადგან საბოლოო შედეგის მიღწევა შესაძლებელია მხოლოდ ერთობლივი ძალისხმევით:

,,მოვუწოდებთ ჩვენს ოპოზიციურ კოლეგებს, რომ შემოუერთდნენ იმ მნიშვნელოვან ბრძოლას, რასაც ნიშნავს დოკუმენტის იმპლემენტაცია.

მემგონი, უნდა დავასრულოთ ეს გარჩევები და ვიწრო პარტიული ინტერესების ნაცვლად გადავიდეთ იმაზე, რომ რეალურად, ფუნდამენტურად შევცვალოთ გარემო ქვეყანაში.

რურუა განთავისუფლებულია.

მოკლე ვადაში მაქსიმალურად უნდა გავანთავისუფლოთ ნიკა მელია.

ჩვენ სრული მზაობა გვაქვს, რომ სხვა ოპოზიციურ პარტიებთან, ვინც არა შემოუერთდა შეთანხმებას, რაღა თქმა უნდა, თანამშრომლობა გავაგრძელოთ. ვფიქრობთ, რომ საერთო ძალისხმევით არის მიღწეული შეთანხმება. ასევე მხოლოდ საერთო ძალისხმევით შეიქმნება შესაძლებელი საბოლოო ჯამში შეთანხმების იმპლემენტაცია“, – განაცხადა გიორგი ვაშაძემ.

ავტორი
ნინი ხიჯაკაძე