ამნისტიის კანონზე გამართული მოლაპარაკებების შემდეგ პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა განაცხადა, რომ ,,ქართული ოცნება” პირობას შეასრულებს, ხოლო ევროკავშირის ეგიდით შექმნილ დოკუმენტს ერთი ადამიანის სიტყვა ვერ გადაუწყვეტს ბედს:
,,დღეს კიდევ გავცვალეთ პოზიციები. საუბარი იყო სამართლებრივ დეტალებზე. ჩვენ შეთანხმებიდან გამომდინარე ვიკისრეთ ვალდებულება და პასუხისმგებლობა ჩვენი ქვეყნის უკეთეს მომავალზე.
შესაბამისად, შეთანხმებას სჭირდება შესრულება. ,,ქართული ოცნება” ერთგული რჩება შეთანხმების. აუცილებლად დაინიცირდება ამნისტიის კანონონპროექტი.
ერთი ადამიანის გადასაწყვეტი არ და ვერ იქნება ევროკავშირის ეგიდით შექმნილი დოკუმენტის ბედი.
ამნისტიის კანონი დაინიცირდება და იგი იქცევა კანონად. აქ თუ იქნება რესურსი, რომ დაგვეთანხმოს ოპიზიცია სამართლიან, რაციონალურ პროექტზე – ეს იქნება სამართლიანი და რაციონალური. თუ არ დაგვეთანხმებიან ეს იქნება მათი გადაწყვეტილება.
კანონპროექტი დაინიცირდება და კანონპროექტს მივიღებთ. შეთანხმებას შევასრულებთ. ჩვენ შევთანხმდით ევროკავშირთან ერთად ქვეყნის უკეთეს მომავალზე.
ერთი ადამიანის ხუშტური ვის, რა, როგორ მოუნდება, ვერ გადაწონის ვერცერთ შეთანხმებას“, – განაცხადა ანრი ოხანაშვილმა.
ავტორი
ნინი ხიჯაკაძე
