“ჩვენ გვაქვს ჩვენი სამუშაო ვერსია, რომელიც ეფუძნება 3 ძირითად პრინციპს…” – პაატა მანჯგალაძე

,,სტრატეგია აღმაშენებლის” გენერალურმა მდივანმა პაატა მანჯგალაძემ ამნისტიის კანონთან მიმართებაში 3 ძირითადი პრინციპზე ისაუბრა და აღნიშნა, რომ ,,ქართულ ოცნებასთან” შეუთანხმებლობის შემთხვევაში, მოუწევთ საკუთარი ინიციატივების დაყენება:

,,ჩვენ გვაქვს ჩვენი სამუშაო ვერსია, რომელიც ეფუძნება 3 ძირითად პრინციპს:

პირველი არის, რომ მწამებლებზე და მოძალადე ადამიანებზე, რა თქმა უნდა, ეს არ უნდა გავრცელდეს;

მეორე არის, რომ თანამდებობის პირებზე არ გავრცელდეს ეს პრინციპი;

მესამე საკითხი არის, რომ აუცილებელი უნდა იყოს თანხმობა, თუ მივაღწევთ ამას, – შეთანხმებაც მნიშვნელოვანია ,,ქართულ ოცნებასთან”.

შევეცდებით, რომ შევაჯეროთ ვერსია. თუ ვერ მოხდება და ფუნდამენტური სხვაობა იქნება ჩვენსა და ,,ქართული ოცნების” ვერსიას შორის, რა თქმა უნდა, ვიფიქრებთ ჩვენი ინიციატივების დაყენებაზე“, – განაცხა პაატა მანჯგალაძემ.

ავტორი
ნინი ხიჯაკაძე