“თვალისმთხრელ ჯალათებზე ამნისტიის კანონი ვერ და არ გავრცელდება” – გიორგი ვაშაძე

ამნისტიის კანონთან მიმართებაში კიდევ ერთხელ აფიქსირებს თავის პოზიციას ,,სტრატეგია აღმაშენებლის” ლიდერი გიორგი ვაშაძე და აცხადებს, რომ ეს კანონი ჯალათებზე არ გავრცელდება, შესაბამისად ემოციების გარეშე სჯობს საქმის კეთება:

,,ჯალათებზე, თვალისმთხრელ ჯალათებზე ამნისტიის კანონი ვერ და არ გავრცელდება, არც ერთ შემთხვევაში.

ყველა სხვა საკითხზე ,,ქართულ ოცნებასთან” გვექნება მოლაპარაკება.

დაზარალებულის თანხმობა – ეს არის პრაქტიკა, რომელიც არის ყველა ამნისტიის კანონში და, რაღა თქმა უნდა, ამაზეც ვიმუშავებთ.

მთავარი არის, რომ ზედმეტი ემოციების გარეშე უნდა მივხედოთ, რომ შეთანხმება დროულად შესრულდეს“, – განაცხადა გიორგი ვაშაძემ.

ავტორი
ნინი ხიჯაკაძე