ველური ბუნების ეროვნული სააგენტო ამჯერად კრწანისის ტყეპარკის მობინადრე ფრინველის მწვანე კოდალას – Picus viridis (European green woodpecker) შესახებ აქვეყნებს საინტერესო მასალებს:
ბუდეს იკეთებს ხის ფუღუროში. მაისის პირველ ნახევარში დებს 3-7 კვერცხს. საინკუბაციო პერიოდი 15-17 დღე გრძელდება.
სხეულის სიგრძე: 30-36 სმ, ფრთების შლილი: 45-51სმ. დამახასიათებელია მომწვანო შეფერილობა. სხეულის ზედა ნაწილი მოყვითალო-მომწვანოა, ქვედა − მომწვანო-თეთრი. თავის ზედა ნაწილი წითელია. თვალის ირგვლივ აქვს შავი შეფერილობა. მამალს თვალის შავად შეფერილი ნაწილის ქვემოთ აქვს წითელი ლაქა (დედალს – შავი). ახალგაზრდა ფრინველს თვალის გარშემო შავი ლაქა არა აქვს, თავი და მუცელი კი ხშირი, მუქი ხაზებითაა დაზოლილი.
მისი ჰაბიტატია ფართოფოთლოვანი, ზოგჯერ შერეული ტყეები და პარკები.
IUCN-ის სტატუსი: LC
