ქვეყანაში არსებული პოლიტიკური კრიზისის განმუხტვის მიზნით, მოლაპარაკებების პროცესში საფრანგეთის, შვედეთის, პოლონეთის, ლიეტუვის, ლატვიის და ესტონეთის დიპლომატები ჩაერთვებიან. მოლაპარაკებებთან და პარტიის დამოკიდებულებაზე, შესათანხმებელ 5 პუნქტთან დაკავშირებით, ჟურნალისტებთან „ლელო საქართველოსთვის“ თავმჯდომარემ, მამუკა ხაზარაძემ ისაუბრა:
„გავიარეთ ის მდგომარეობა, რაც ხდება პრეზიდენტ მიშელის დოკუმენტის გარშემო მიმდინარე მოლაპარაკებზე. კიდევ ერთხელ დავაფიქსირეთ “ლელოს” პოზიცია.
ხუთი პუნქტიდან სამ პუნქტს ეთანხმება “ლელო” და თქვენ იცით ამის შესახებ, ისევე როგორც სხვა ოპოზიციურმა პარტიებმა. მსჯელობა გვქონდა დარჩენილი ორ პუნქტზე. სხვადასხვა ვარიანტები განვიხილეთ, დეტალებში ვერ შევალთ, მაგრამ კიდევ ერთხელ მინდა დავადასტურო, რომ ძალიან დიდი ყურადღებაა საქართველოს მიმართ.
საკმაოდ სერიოზული ძიებაა იმისა, რომ საკითხი ისე გადაწყდეს, რა საკითხები ოპოზიციას ჰქონდა დაყენებული, იქნას მიღწეული“, – განაცხადა მამუკა ხაზარაძემ.
ავტორი
თეკლა თოდუა
