თურქეთის რესპუბლიკის პრეზიდენტი რეჯეფ თაიფ ერდოღანი საქართველოს პრემიერ-მინისტრ ირაკლი ღარიბაშვილს კორონავირუსისგან გამოჯანამრთელებას უსურვებს. განცხადებაში ნათქვამია, რომ ერდოღანი სრულ მხარდაჭერას უცხადებს საქართველოს პრემიერ-მინისტრსა და მეგობარ ქართველ ხალხს.
„პატივცემულო პრემიერ-მინისტრო, ძვირფასო მეგობარო, ძალიან ვწუხვარ იმის გამო, რომ თქვენი ტესტი კოვიდ-19-ზე დადებითი აღმოჩნდა. გისურვებთ სწრაფად განკურნებას და ძალიან მალე სრულად გამოჯანმრთელებას. მსურს იცოდეთ, რომ თქვენთან ერთად ვართ მკურნალობის პერიოდში და, საჭიროების შემთხვევაში, არ დავიშურებთ ძალისხმევას თქვენს გამოსაჯანმრთელებლად.
მინდა ვისარგებლო შემთხვევით და თქვენს აღმატებულებას ვუსურვო ჯანმრთელობა და ბედნიერება, ხოლო მეგობარ ქართველ ხალხს – კეთილდღეობა და აღმავლობა“, – წერს რეჯეფ თაიფ ერდოღანი.
აღნიშნული განცხადებას მთავრობის ადმინისტრაცია ავრცელებს.
ავტორი
ნინო დავითაძე
