საქართველოს ახალგაზრდა იურისტთა ასოციაციამ (საია) და ადამიანის უფლებათა დაცვის ევროპულმა ცენტრმა (EHRAC) დღეს 7 აპრილს, 2019 წლის 20 ივნისის ღამეს, დაზარალებული დემონსტრანტებისა და ჟურნალისტების სახელით სტრანსბურგის სასამართლოში 2 ახალი საჩივარი გააგზავნა. აღნიშნულთან დაკავშირებით საქართველოს ახალგაზრდა იურისტთა ასოციაციის თავჯდომარე ნიკა სიმონიშვილმა განცხადება გააკეთა:
„ჩვენ მივმართავთ მთლიანობაში 22 პირის სახელით, მათგან 10 უშუალოდ მონაწილეობდა აქციაში, 11 მედიის წარმომადგენელი იყო, ხოლო 1 პირი უბრალოდ იმყოფებოდა იქ იმ დროისთვის. გამოძიება არაეფექტურია, არის პრობლემები კვალიფიკაციის სისწორესთან დაკავშირებით და არაშესაბამისი კვალიფიკაციით მიმდინარეობს. შესაბამისად ამ მიზეზების გამო, გადავწყვიტეთ რომ დაზარალებულების სახელით მივმართოთ ადამიანის უფლებათა ევროპულ სასამართლოს, რადგანაც ვფიქრობთ შიდა ინსტანციებში გამოძიების გაგრძელება არაეფექტურია და დაცვის ერთადერთი ეფექტური საშუალება გვრჩება სწორედაც სტრასბურგის სასამართლო,“ – აცხადებს ნიკა სიმონიშვილი.
განცხადება ასევე გააკეთა „საიას“ სტრატეგიული სამართალწარმოების იურისტმა ქალბატონმა თამარ ონიანმა:
„გამოძიება 2019 წლის 22 ივნისს დაიწყო, თუმცა დღემდე 21 თვის გასვლის შემდეგ ჩვენ ვერ ვხედავთ ვერანაირ ხელშესახებ შედეგს, რომ გამოძიებას რეალურად აქვს ნება დასაჯოს შესაბამისი პირები და აღკვეთოს ის დანაშაული, რომელიც 2019 წლის 20 ივნისს მოხდა,“ – აღნიშნა თამარ ონიანმა.
ავტორი
ანა თეზელაშვილი
