“სტრატეგია აღმასენებლის” სოციალური მიმართულების ხელმძღვანელი, თეონა ჭალიძე თბილისის უფასო სასადილოების ბენეფიციარების სიების შესწავლისას ადგენს, რომ დედაქალაქში ამ კატეგორიის ხალხის რაოდენობა გაიზარდა და განსაკუთრებით ხაზგასმით აღნიშნავს, რომ არსებულ სიებში 12431 ბავშვია:
,,მიმდინარე წლის მარტის მონაცემებით უფასო სასადილოების მოსარგებლეთა რაოდენობა თბილისში გაიზარდა. სასადილოების ბენეფიციართა ძირითად და დამატებით სიაში ჯამურად 45112 სოციალურად დაუცველის სტატუსის მქონე პირია. მათგან უმრავლესობა 25924 ქალია, რაც თითქმის 15%-ით მეტია კაცების რაოდენობაზე. აღნიშნულ სიებში 12431 ბავშვია.
თბილისის მერია ,,სტრატეგია აღმაშენებლის“ სოციალური სამსახურს არ აწვდის სრულყოფილ ინფორმაციას. არ ასაჯაროებს ინფორმაციას უფასო სასადილოს მომსახურების პროგრამის მსურველთა რაოდენობის შესახებ. ამით არღვევს საქართველოს ზოგადი ადმინისტრაციული კოდექსის 37-ე მუხლს საჯარო ინფორმაციის გაცემის შესახებ.
როგორც ჩანს კახა კალაძე ცდილობს დაფაროს კიდევ უფრო დამძიმებული სოციალურ-ეკონომიკური მდგომარეობა და უკიდურესი გაჭირვების გამო კიდევ უფრო გაზრდილი მოთხოვნა სასადილოს საჭმელზე, რომლის დაკმაყოფილებაზეც არ ფიქრობს.
შეგახსენებთ მერიას ერთი ადამიანის კვებაზე დღეში 1 ლარი აქვს გათვალისწინებული და ამას ემატება 29 თეთრი, რომელიც გამოყოფილია დღეში ერთი ადამიანის პურისთვის,“- აცხადებს თეონა ჭალიძე.
ინფორმაციას “სტრატეგია აღმაშენებლის” საზოგადოებასთან ურთიერთობის სამსახური ავრცელებს