მმართველი პარტიის თავმჯდომარის, ირაკლი კობახიძის მიერ სოციალურ ქსელში გამოქვეყნებულ პოსტს ეხმაურება “სტრატეგია აღმაშენებლის” გენერალური მდივანი, პაატა მანჯგალაძე და აღნიშნავს, რომ მმართველი პარტია ხელისუფლებაში მოსვლის დღიდან მიზანმიმართულად ცდილობენ ნამდვილი ეროვნული და სახელმწიფოებრივი ღირებულებების ეროზიას:
“კობახიძის მიერ საკუთარი სიმხდალის გასამართლებლად ვაჟა-ფშაველას და მისი “სტუმარ-მასპინძლის” მოხმობა ძალიან ცუდი მაგალითია, რადგან ვაჟა-ფშაველას შემოქმედებაში საკვანძო საკითხი არის საკუთარი ღირსების განცდა, თუ ადამიანს არ გააჩნია ღირსება, ის ვერც სხვის ღირსებას დაინახავს.
კობახიძეს უნდა ესმოდეს, რომ ჩვენ იქ ვაპროტესტებდით არა რუსების ყოფნას, არამედ კონკრეტული კრემლის პროპაგანდისტების ყოფნას, რომლებიც ღია და დაუფარავი ჰიბრიდული ბრძოლის მდგომარეობაში იმყოფებიან საქართველოსა და მის დამოუკიდებლობის იდეასთან.
“ქართული ოცნების” წარმომადგენლების მსგავსი გამოხტომები ბუნებრივია, რადგან ხელისუფლებაში მოსვლის დღიდან მიზანმიმართულად ცდილობენ ნამდვილი ეროვნული და სახელმწიფოებრივი ღირებულებების ეროზიას, სადაც მათი მთავარი მოკავშირე სწორედ პოზნერის მსგავსი ე.წ. რუსული რბილი ძალის წარმომადგენლებია“, – განაცხადა პაატა მანჯგალაძემ.
ინფორმაციას “სტრატეგია აღმაშენებლის” პრესსამსახური ავრცელებს
