“ცუდი და გულდასაწყვეტი ის ტაშფანდურია, რაც ატყდა ოპოზიციურ პოლიტიკურ ჯგუფში, რომელიც ისევ ფანჩატურში იკრიბება” – გიორგი ვოლსკი

პარლამენტის თავმჯდომარის პირველი მოადგილე, გიორგი ვოლსკი საქართველოსთან მიმართებაში რამდენიმე ევროპარლამენტარის მიერ დაფიქსირებულ პოზიცის ეხმიანება და გაკვირვებას გამოხატავს ოპოზიციის დამოკიდებულებასთან მიმართებაში, სანქციების შესაძლო დაწესებასთან დაკავშირებით:

,,გაუგებარია 6 ევროპარლამენტარის პოზიცია. იმის მაგივრად, რომ აი ამ თემებზე საუბრობდნენ – საიდან მოდის? რატომ ვერ შეთანხმდა? რა იყო ევროკავშირის პოზიცია და არა ევროპარლამენტის?

აქედან გამომდინარე იმუქრებიან, რომ სანქციები დაუწესდება საქართველოს, თუკი ისინი მიმართავენ, ეს 6 პარლამენტარი, იქ რამდენიმე ასეული პარლამენტარია ცნობისთვის, ევროკავშირს, მერე ევროკავშირი განიხილავს და სანქციებს დაუწესებს ქვეყანას.

ეს ერთი საკითხია. შეიძლება ამაზე, რა საკვირველია, სკანდალური შეკითხვები დასვა/მოიფიქრო, მაგრამ ყველაზე ცუდი და გულდასაწყვეტი ის ტაშფანდურია, რაც ატყდა ოპოზიციურ პოლიტიკურ ჯგუფში, რომელიც ისევ ფანჩატურში იკრიბება“, – განაცხადა გიორგი ვოლსკიმ.

ავტორი
ნინი ხიჯაკაძე