რუსუდან კერვალიშვილმა, „ცენტრ-პოინტის“ ერთერთმა დამფუძნებელმა, 4 წლიანი სასჯელი სრულად მოიხადა და დღეს საპატიმრო დატოვა. ჟურნალისტებთან გაკეთებულ კომენტარში იგი დიდი ოპტიმიზმით აღნიშნავს, რომ გაჩნდა იმედი არსებული პრობლემების მოგვარების მხრივ:
„ერთი მაქვს ძალიან დიდი სინანული, რომ იმ ადამიანებმა, ვინც ძალიან გვენდნენ ჩვენ, წლების განმავლობაში, დაზარალდნენ ჩვენთან ერთად. სამწუხაროდ, ჯერ კიდევ არ მოხერხდა, მიუხედავად იმისა, რომ 5 წელიწადია მაია აქ არის და მე 4 წელიწადია, რომ პრობლემა დასრულდეს, მაგრამ ეხლა იმედი მოგვეცა ჩვენ, რომ იწყება მშენებლობა, იწყება 1 თვეში მერიასთან ერთად და ჩვენი ამოცანაა, სანამდეც ვართ მე და მაია, ჩვენი ამოცანა ერთია, ყველა ადამიანი ბედნიერი იყოს და შევიდეს თავიანთ ბინებში,“ – აცხადებს რუსუდან კერვალიშვილი.
ბექა ბასილაია – რუსუდან კერვალიშვილის ადვოკატი, ცენტრ-პოინტის საქმეზე, დამატებით განმარტებებს აკეთებს
„ყველა პროცედურა არის უაღრესად ლეგალური და ამ პროცედურების და ამ ბიზნესის პროექტის მიმდინარეობის დროს, სახელმწიფო არ ხარჯავს არც ერთ თეთრს. ამ პრობლემის მოსაგვარებლად მობილიზირებულია ის ქონებები, რომლებიც გააჩნდა „ცენტრ-პოინტ“ ჯგუფს და ამ ქონებებს აქვს, ის რესურსი, რომ დაკმაყოფილდეს როგორც დაზარალებულები, ასევე ინვესტორისთვის საინტერესო იქნეს, ამ მშენებლობების დასრულება,” – აცხადებს ბექა ბასილაია.
ცნობისათვის: რუსუდან კერვალიშვილს ბრალი ედებოდა, თაღლითობასა და მეანაბრეთა თანხების მითვისებაში, რის გამოც მას მიესაჯა თავისუფლების აღკვეთა 4 წლის ვადით.
ავტორი
თეკლა თოდუა
