ველური ბუნების ეროვნული სააგენტო კრწანისის ტყეპარკის მობინადრე ფრინველების შესახებ საინტერესო მასალების გამოქვეყნებას აგრძელებს. ამჯერად გაიცანით – ურებიანი ბუ (ოლოლი) – Asio otus (Long-eared owl)
ბუდეს იკეთებს სხვა ფრინველის ბუდეებში ან ფუღუროში. მარტში დებს 4- 5 კვერცხს. საინკუბაციო პერიოდი 25- 30 დღემდე გრძელდება. მართვეს გამოჩეკიდან 30- 40 დღის შემდეგ შეუძლია ფრენა
სხეულის სიგრძე: 31-37სმ, ფრთების შლილი: 86-98სმ. დამახასიათებელია მოყავისფრო სახის „დისკები“, რომლებსაც არტყია შავი არშია. თავზე აქვს გრძელი ბუმბულის კონები − ე.წ. „ყურები“. თვალები სტაფილოსფერი-მოწითალოა. მოყვითალო-მონაცრისფრო მკერდი და მუცელი დაფარულია შავი შტრიხებით.
მისი ჰაბიტატია მეჩხერი ტყეები და ტყეპარკები.
IUCN-ის სტატუსი: LC
