“კომენდანტის საათი” არ არის ქართული ველოსიპედის გამოგონება – ამირან გამყრელიძე

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი, ამირან გამყრელიძე

“ „კომენდანტის საათი“ არ არის ქართული ველოსიპედის გამოგონება და პანდემიების დროს შემზღუდველ ღონისძიებებში ერთ-ერთ ყველაზე ეფექტიან საშუალებად ითვლება. ამიტომ ადამიანებმა, როცა ბევრნი არიან ავტობუსში ან მეტროში, მაქსიმალურად უნდა ატარონ პირბადე.

ე.წ. კომენდანტის საათის შემსუბუქებაზე ჩვენ ვთქვით, რომ ეპიდსიტუაციაზე დაკვირვება მიმდინარეობს. ახლა არ არის საგანგაშო ეპიდსიტუაცია, კი გაუარესდა ბოლო ერთი კვირის განმავლობაში, მაგრამ საგანგაშო არ არის.

რამდენჯერმე ვთქვი და კიდევ გავიმეორებ, – თუ ჩვენ ამ ტიპის ეპიდსიტუაციით ვივლით მარტში, აპრილში, დარწმუნებული იყავით, რომ მაისში შევალთ ძალიან კარგი იმედით, ხოლო მარტის ბოლოს თუ აპრილის დასაწყისში იგივე „კომენდანტის საათის“ გარკვეულ ცვლილებებზეც შეიძლება იზრუნოს ქვეყანამ,” – განაცხადა ამირან გამყრელიძემ.