გავრცელებული ინფორმაცია, თითქოს მეწყრული პროცესის გააქტიურების გამო, იგეგმება მოსახლეობის ევაკუაცია, არის სიცრუე და ემსახურება საზოგადოებაში პანიკის დათესვას – თბილისის მერიის განცხადება

40

დედაქალაქის მერია განცხადებას ავრცელებს და კონკრეტულ განმარტებებს აკეთებს მაჭავარიანის ქუჩის მიმდებარე ტერიტორიასთან მიმართებაში გავრცელებულ ინფორმაციებთან დაკავშირებით:

ვრცელდება ინფორმაცია, თითქოს მაჭავარიანის ქუჩის მიმდებარე ტერიტორიიდან, მეწყრული პროცესის გააქტიურების გამო, იგეგმება მოსახლეობის ევაკუაცია, რაც არის სიცრუე და ემსახურება საზოგადოებაში პანიკის დათესვას.

შექმნილია სპეციალური სამუშაო ჯგუფი, რომელიც მუდმივ რეჟიმში აკვირდება მეწყრულ პროცესს, ხოლო მომავალი კვირიდან კვლევის პროცესში უცხოელი ექსპერტებიც ჩაერთვებიან.

კვლევისა და მონიტორინგის თითოეულ ეტაპზე საზოგადოებას ოპერატიულად მიეწოდება სრული ინფორმაცია.

უახლოეს დღეებში გატარდება შესაბამისი ღონისძიებები, რათა დროულად აღდგეს ორმხრივი საავტომობილო მოძრაობა და გადაადგილება იყოს უსაფრთხო.

მოვუწოდებთ მედიასაშუალებებს, თავი შეიკავონ გადაუმოწმებელი ინფორმაციის გავრცელებისგან და ნებისმიერ შემთხვევაში მიმართონ თბილისის მერიას“, – ნათქვამია თბილისის მერიის განცხადებაში

ინფორმაციას თბილისის მერიის პრესცენტრი ავრცელებს

კომენტარები