“არაფერია შეთანხმებული, სანამ ყველაფერი არ არის შეთანხმებული, ყველა საკითხთან დაკავშირებით უნდა მოხდეს შეთანხმება” – გიორგი ვაშაძე

,,სტრატეგია აღმაშენებლის” ლიდერმა გიორგი ვაშაძემ ოპოზიციასა და ხელისუფლებას შორის გამართული შეხვედრის შემდეგ აღნიშნა, რომ აუცილებლად იქნება შეთანხმებული ყველა საკითხი, მათ შორის, პოლიტპატიმრების საკითხიც და რიგგარეშე არჩევნების თემაც:

,,მთავარი რაზეც შევთანხმდით ეს არის პრინციპი. Nothing is a great, until everything is not a great. არაფერია შეთანხმებული, სანამ ყველაფერი არ არის შეთანხმებული.

ანუ ეს რას ნიშნავს, მანიპუაციები რომ იყო: ხუთივე საკითხთან დაკავშირებით უნდა მოხდეს შეთანხმება (მე-6 საკითხი არის პროცედურებთან დაკავშირებით) – ეს ერთი; მეორე – ძალიან რთული სამუშაო პროცესი იყო, თუმცა გარკვეული ნაბიჯი გადავდგით. პროცესი არ მიდის მარტივად. ხვალ ვაგრძელებთ მოლაპარაკების პროცესს.

იმედი მაქვს, რომ ამ კვირაში ხუთივე საკითხთან დაკავშირებით შევთანხმდებით.

რატომ ვთქვი ეს ტერმინი ,,არაფერია შეთანხმებული სანამ ყველაფერი არ არის შეთანხმებული”? ამ საკითხების გარეშე შეთანხმება არ იქნება. მათ შორის პოლიტპატიმრების საკითხზე, რიგგარეშე არჩევნებთან დაკავშირებულ საკითხთან, საარჩევნო/სასამართლო რეფორმაზე, ძალაუფლების განაწილებაზეც.

ყველა ამ საკითხზე შეთანხმების დოკუმენტში უნდა იყოს კონკრეტული ტექსტი.

აუცილებლად იქნება შეთანხმებული პოლიტპატიმრების საკითხიც და რიგგარეშე არჩევნების თემაც. არცერთი პუნქტი არ წაიშლება.

ეს არის მედიატორების დოკუმენტი. ეს არ არის არც ჩვენი, არც ,,ქართული ოცნების” დოკუმენტი“, – განაცხადა გიორგი ვაშაძემ.

ავტორი
ნინი ხიჯაკაძე