,,ლეიბორისტული პარტიის” ლიდერმა შალვა ნათელაშვილმა მოლაპარაკების მორიგი რაუნდი პროტესტის ნიშნად დატოვა და კონკრეტული შეფასებები გააკეთა მიმდინარე დიალოგის პროცესთან მიმართებაში. ოპოზიციონერი ლიდერი უკმაყოფილოა მოლაპარაკებებზე განხილულ პუნქტებთან დაკავშირებით შემოთავაზებული პრიორიტეტულობის გამო:
,,შემოთავაზებულია საარჩევნო და სასამართლო რეფორმის პრობლემატიკა, რომელიც უნდა იყოს ახალი არჩევნების რიცხვის შემდეგ შემდგომი საკითხი და არცერთ შემთხვევაში პირველი.
იწყებოდა სქემა განცხადებით, რომ ჩვენ შევდივართ პარლამენტში და ველოდებით 2024 წლის საპარლამენტო არჩევნებს.
პრეამბულა ასე იწყება და ასეთი პრიამბულის პირობებში, მაპატიეთ, მე არ წარმოვადგენ მარტო საკუთარ თავს და არც თუნდაც მარტო ჩემ პარტიას.
მე წარმოვადგენ ყველა პარტიას და საქართველოს ყველა მოქალაქეს, როდესაც ამ უმაღლეს ტრიბუნაზე ვიმყოფები.
ხელახალ არჩევნებზე და პოლიტიკურ პატიმრებზე ზოგადად და მორიდებით მეოთხე/მეხუთე პუნქტებშია საუბარი.
IV პუნქტად არის შესაძლო რიგგარეშე არჩევნები მერე “დრობ” ადგილობრივი არჩევნები.
ალბათ, გაგრძელდება შეხვედრები, მაგრამ უნდა იცოდეს ყველამ, მათ შორის ევროკავშირის ხელმძღვანელობამ და ბატონმა ბორელმა, რომ ქართველი ხალხი ისეთივე ცივილიზებულია, ისეთივე ქრისტიანია, ისეთივე დემოკრატია, ისეთივე მაღალი ღირებულების მატარებელია, როგორც ჩვენი მოკავშირე ევროპა.
არ შეიძლება ორმაგი სტანდარტით მიუდგეთ ფრანგ ამომრჩეველს და ქართველ ამომრჩეველს“, – განაცხადა შალვა ნათელაშვილმა.
ავტორი
ნინი ხიჯაკაძე
