ტვ ,,პირველის” საინფორმაციო სამსახურის უფროსი ნოდარ მელაძე უარს აცხადებს სახელმწიფო დაცვაზე, რადგანაც მიაჩნია, რომ ამის მიზანი არის ჟურნალისტების საქმიანობის კონტროლი:
,,შემოგვთავაზეს ჩვენ ლევან მამალაძის ინტერვიუდან გამომდინარე დაწყებულ გამოძიებასთან დაკავშირებით. მათ განგვიმარტეს, რომ ამ საქმეზე აქვთ მხოლოდ ლევან მამალაძის ინტერვიუ. სხვა დამატებითი მტკიცებულებები ან გარემოებები, რომლებიც ჩვენ დაგვარწმუნებდა მყისიერი საფრთხის შესახებ, ჩვენთვის ინფორმაცია მოწოდებული არ იყო.
აქედან გამომდინარე ჩვენთვის რჩება, რომ ამის მიზანს წარმოადგენს ჩვენი, როგორც გამომძიებელი ჟურნალისტების კონტროლი: თუ სად გადავადგილდებით, ვის ვხვდებით და როგორ ვსაქმიანობთ ჟურნალისტურ გამოძიებებზე. აქედან გამომდინარე ჩვენ ვთქვით უარი სახელმწიფო დაცვაზე“, – განაცხადა ნოდარ მელაძემ.
ავტორი
ნინი ხიჯაკაძე
