“ყველამ ყველაფერი იცის უკვე ოცნებაში, ყველამ იცის რომ ის ჩანაწერები რეალურია და ოცნების ხელისუფლებაში ყოფნის პერიოდში გაკეთებული” – ზურაბ გირჩი ჯაფარიძე

პარტია “გირჩი – მეტი თავისუფლება”-ს ლიდერი, ზურაბ გირჩი ჯაფარიძე ეხმიანება ქართული ოცნების ლიდერების განმარტებებს, ტვ “პირველში” გასული აუდიო ჩანაწერები ძველია, 2010 წელსაა ჩაწერილი:

“ღარიბაშვილმა 2010 წელიაო. დავუშვათ.

– 2010-ში თუ ასე იქცეოდნენ, ახლა როგორ იქცევიან წარმოგიდგენიათ?
– ჩუბინიძე თუ ასე იქცევა, ფარცხალაძე როგორ იქცევა წარმოგიდგენიათ?
– ბერას ნათქვამზე თუ ასე იქცევიან, ბიძინას ნათქვამზე რას იზამენ წარმოგიდგენიათ?
– ფეისბუქზე შეურაცხმყოფელ კომენტარზე თუ ასე რეაგირებენ, მათ ძალაუფლებას როცა საფრთხე ემუქრება, მაშინ რაზე არიან წამსვლელები წარმოგიდგენიათ?

ყველამ ყველაფერი იცის უკვე ოცნებაში, ყველამ იცის რომ ის ჩანაწერები რეალურია და ოცნების ხელისუფლებაში ყოფნის პერიოდში გაკეთებული. ყველამ იცის და ხმას არ იღებენ. ხმას არ იღებენ იმიტომ რომ ეშინიათ და/ან კომფორტის დაკარგვა არ უნდათ და/ან იმედს/პოსტვ-ს უყურებენ და “ისევ მიშა მოვა”-სი სჯერათ და ამის უფრო ეშინიათ.

ვისაც სინდისის ნატამალი ჰქონდა დარჩენილი, ყველა გაქცეულია უკვე, როგორც სჩანს
ვინც დარჩა, ყველა ისეთია უკვე, ვინც არაფერზე ხმას არ ამოიღებს.

ძალიან წვრილი ფილტრი აქვთ გავლილი,
ყველა ბერას მორჩილია,
ყველა ღარიბაშვილია.

ამიტომ “ღარიბაშვილთან არ დავჯდები მოსალაპარაკებლად”-ს შინაარსი არ აქვს,” – წერს ფეიაბუქის პირად გვერდზე ზურაბ გირჩი ჯაფარიძე.