,,ტვ პირველის” ეთერში გასული სიუჟეტის შემდეგ ოპოზიციონერი ლიდერები განიხილავენ საკითხს, მოლაპარაკების მაგიდაზე დასხდებიან თუ არა ირაკლი ღარიბაშვილთან ერთად. ,,სტრატეგია აღმაშენებლის” პოლიტიკური საბჭოს წევრ სერგო ჩიხლაძეს მიაჩნია, რომ ნებისმიერ მეტ-ნაკლებად ნორმალურ ქვეყანაში პრემიერ-მინისტრი და მისი კაბინეტის წევრები ასეთი მასალის გამოქვეყნების შემდეგ დაუყოვნებლივ გადადგებოდნენ:
,,ძალიან ძნელი იქნება ასეთ ადამიანთან მაგიდასთან დაჯდომა მოლაპარაკებებზე.
კიდევ ვამბობ, ნებისმიერ მეტ-ნაკლებად ნორმალურ ქვეყანაში პრემიერ-მინისტრი და მისი კაბინეტის წევრები დღესვე გადადგებოდნენ. იგივეს მოვუწოდებთ ჩვენ ხელისუფლებას.
თუ მოლაპარაკებები შედგება და ბევრი სვლა არ დარჩა ,,ქართულ ოცნებას”, აუცილებლად უნდა შედგეს და კომპრომისზე ,,ქართული ოცნება” უნდა წამოვიდეს, უნდა გამოაგზავნონ ის ადამინები სულ მცირე, რომლებიც აი ამ ჩანაწერში არ ფიგურირებენ“, – განაცხადა სერგო ჩიხლაძემ.
ავტორი
ნინი ხიჯაკაძე
