პარლამენტის ფრაქცია ,,ქართული ოცნების” დავმჯდომარემ მამუკა მდინარაძემ ჟურნალისტებთან საუბარში აღნიშნა, რომ კანონის აღსრულებისთვის ხელისუფლება ბევრ კომპრომისულ წინადადებას აყენებს და ,,მთავარ არხს” მიმართავს, რომ არანაირი სანქციები და რეზოლუციები არ იქნება, რაც ასე სურთ:
,,სანქციებს, რეზოლუციებს, რასაც თქვენ ფიქრობთ ხოლმე რომ იქნება და გიხარიათ, ეს არ იქნება, – ,,მთავარ არხზე” მაქვს საუბარი.
დარწმუნებული ვარ იმიტომ, რომ ესეთი შეფასებები ჩვენ ვნახეთ, მათ შორის კრიტიკულებიც. აბსოლუტურად ადეკვატურად შეხვდა საქართველო, ჩვენი ქვეყანა, ამ შეფასებებს, კრიტიკასაც და პასუხებიც გაეცა ყველა კითხვას.
ბოლო დღეების პათოსი თქვენ იცით, ჩვენი მეგობრების განცხადებებიც მათ შორის.
რაც შეეხება, რაღაც ისეთ ნეგატიურ გადაწყვეტილებებს ჩვენ ქვეყანასთან მიმართებაში, ასეთი არ იქნება. იმიტომ, რომ კანონის აღსრულებისთვის ხელისუფლება უამრავს კომპრომისულ წინადადებას აყენებს, ამიტომ ნანატრი სანქციები, რომლებთაც ჩვენ რადიკალური ოპოზიციის წარმომადგენლები საუბრობენ და რაზეც ოცნებობენ, ხოლმე, ესენი არ იქნება“, – განაცხადა მამუკა მდინარაძემ.
ავტორი
ნინი ხიჯაკაძე
