საქართველოს პარლამენტის საგარეო ურთიერთობათა კომიტეტის თავმჯდომარემ გიორგი ხელაშვილი ევროპული საბჭოს პრეზიდენტის შარლ მიშელის მიერ გაკეთებული შეთავაზების თაობაზე საუბრობს, რომლის მიხედვითაც 2 კვირის ვადაში ხელისუფლებამ და ოპოზიციამ მოლაპარაკებები უნდა გამართონ და კონკრეტულ შეთანხმებას მიაღწიონ:
,,პარტიის შიგნით, სხვადასხვა ფორმატით, საუბარი მუდმივად მიმდინარეობს, ჩვენ გვაქვს ერთიანი პოზიცია.
ამ მხრივ ძალიან უხერხული იყო, რაც გააკეთა ოპოზიციამ, როდესაც შეხვედრის დამთავრებისთანავე არასწორი ინტერპრეტაცია მიაწოდა მოსახლეობას და საერთაშორისო თანამეგობრობას იმის შესახებ, თუ რაზე იყო საუბარი ამ შეხვედრაზე.
ჩემი ინფორმაციით, რაც ამ შეხვედრაზე გაჟღერდა იყო ის, რომ ქართულ ოპოზიციას ბატონმა მიშელმა მოუწოდა მეტი კონსტრუქციულობისკენ ამ დებატებში და დაგვითქვა დრო, რომ 2 კვირის განმავლობაში ჩვენ უნდა მივაღწიოთ გარკვეულ პროგრესს.
ვფიქრობ, რომ ეს პროგრესი შეიძლება მიიღწეს.
როგორც ამბობენ ხოლმე ტანგოს ცეკვისთვის ორია საჭირო“,- განაცხადა გიორგი ხელაშვილმა.
ავტორი
ნინი ხიჯაკაძე
