საქართველოს პრეზიდენტთან ინტერვიუს სპეციფიკასთან დაკავშირებით იყო საუბარი ტვ “პირველის” თოქ-შოუ “რეაქციაში”, ჟურნალისტ ინგა გრიგოლიასა და საქართველოს პრეზიდენტ სალომე ზურაბიშვილს შორის.
ინგა გრიგოლია: მე საერთოდ ვერ ვხვდები, ჩაწერილი ინტერვიუ რატომ უნდა გავიდეს პრეზიდენტთან, როდესაც შეიძლება პირდაპირ ეთერში იყოს?!
სალომე ზურაბიშვილი: იმიტომ რომ პრეზიდენტი არ უნდა წავიდეს სტუდიაში.
ინგა გრიგოლია: რატომ?
სალომე ზურაბიშვილი: იმიტომ რომ ასეთი არის წესი და უნდა შევეჩვიოთ რაღაც წესებს, თუ გვინდა, რომ სახელმწიფო სახელმწიფოს ჰგავდეს.
ინგა გრიგოლია: ეს ვინ აგიხსნათ, რომ პრეზიდენტი პირდაპირ ეთერში სტუდიაში არ უნდა იყოს?
სალომე ზურაბიშვილი: პირდაპირ ეთერში როგორ არ შეიძლება, სტუდიაში.
ინგა გრიგოლია: რატომ არ უნდა წავიდეს? თქვენ ამბობთ, რომ კაფეში დადიხართ მეგობრებთან ერთად, ყავას სვამთ, ჩაის სვამთ…
სალომე ზურაბიშვილი: იქ არა ვარ პრეზიდენტი, იქ დავდივარ როგორც თავისუფალი ადამიანი.
ინგა გრიგოლია: სტუდიაში რატომ არ შეიძლება?
სალომე ზურაბიშვილი: იმიტომ რომ პრეზიდენტი თავის სასახლიდან, სადაც არის დროშა და სადაც არის თავისი ატრიბუტიკა, იქიდან უნდა გააკეთოს გადაცემები.
ინგა გრიგოლია: რას ნიშნავს, როცა არჩეული პრეზიდენტი მეუბნება, რომ არ უნდა წავიდეს სტუდიაში, რატომ? იქ ბომბებს დაგახვედრებთ თუ რა?
სალომე ზურაბიშვილი: თქვენ არ გესმით, ეს მედიასთან კი არაა დაკავშირებული, ეს არის პროტოკოლის წესი.
