პოლიტიკური პლატფორმა “სტრატეგია აღმაშენებლის” თავმჯდომარე ხელისუფლებას და პირადად ახლადდანიშნულ პრემიერ-მინისტრს მოუწოდებს უარი თქვას ოპონენტების მიმართ ძალის გამოყენებაზე და ქვეყანაში შექმნილი პოლიტიკური კრიზისის გადაწყვეტა მოხდეს მოლაპარაკებისა და კომპრომისების გზით:
“მოვუწოდებ ხელისუფლებას და პირადად ირაკლი ღარიბაშვილს, უარი თქვას საკუთარი მოქალაქეების მიმართ ძალის გამოყენების განზრახვაზე, სიძულვილის ენაზე, აგრესიულ რიტორიკაზე და შექმნილი პოლიტიკური კრიზისი გადავწყვიტოთ მოლაპარაკებისა და კომპრომისების გზით. წინააღმდეგ შემთხვევაში, მოსალოდნელ სამოქალაქო დაპირისპირებაზე პასუხისმგებლობა კანონის და ისტორიის წინაშე დაგეკისრებათ სრული სიმკაცრით!
ყველას უნდა გვესმოდეს, სამოქალაქო დაპირისპირება ჩამოშლის სახელმწიფო ინსტიტუტებს, დააზარალებს ქვეყანასა და ჩვენს მოქალაქეებს.
კიდევ ერთხელ მოგიწოდებთ მშვიდობიანი მოლაპარაკებისკენ , რაც შექმნილი კრიზისიდან გამოსვლის ერთადერთი სწორი არჩევანია!” – აცხადებს გიორგი ვაშაძე.
