დაცული ტერიტორიების სააგენტოს კლიმატის ცვლილების შესახებ გაეროს განვითარების პროგრამის (UNDP) მიერ ჩატარებულ კვლევაზე დაყრდნობით აცხადებს, რომ კვლევა იძლევა შემდეგი დასკვნის საშუალებას – კლიმატის ცვლილება ჩვენი პლანეტის გადახურების პროცესია. ადამიანის საქმიანობამ დედამიწა დაახლოებით 1°C–ით გაათბო, რაც დიდ გავლენას ახდენს ადამიანებსა და ბუნებაზე მთელს მსოფლიოში.
ევროკავშირმა და გაეროს განვითარების პროგრამამ ჩაატარა საქართველოს მოსახლეობის კვლევა, შეისწავლა რა ვიცით კლიმატის ცვლილებასთან დაკავშირებით და როგორ ვიქცევით ამ პროცესის შესარბილებლად.
დაცული ტერიტორიების სააგენტო ვუერთდებით და მხარს ვუჭერთ ამ წამოწყებას კამპანიით „გაიგე მეტი კლიმატის ცვლილების შესახებ“. ერთად გავიგოთ და ვიზრუნოთ როგორ შევამსუბუქოთ კლიმატის ცვლილების გავლენა.
გაეცანით გაეროს განვითარების პროგრამის (UNDP) მიერ ჩატარებული კვლევის ძირითად მიგნებებს:
რას ფიქრობს საქართველოს მოსახლეობა კლიმატის ცვლილების შესახებ
2020 წელი
წინამდებარე კვლევა წარმოადგენს საქართველოს მოსახლეობის პირველი ფართომასშტაბიანი გამოკითხვის შედეგებს კლიმატის ცვლილების შესახებ.
კვლევის შედეგები ეყრდნობა 1,100 პირისპირ ინტერვიუს, რომლებიც საქართველოს ყველა რეგიონში 2020 წლის აგვისტოსა და სექტემბერში ჩატარდა.
ძირითადი მიგნებები:
- გამოკითხულთა 97.6%-ს სმენია კლიმატის ცვლილების შესახებ.
- მოსახლეობის 91.35% მიიჩნევს, რომ კლიმატის ცვლილება რეალური პროცესია, რომელიც საფრთხეს უქმნის სიცოცხლეს დედამიწაზე.
- რესპონდენტების 25.9% თვლის, რომ კლიმატის ცვლილებით გამოწვეული შედეგების მართვას საერთაშორისო ორგანიზაციები შეძლებენ.
- გამოკითხულთა უმრავლესობა (57.9%) მიიჩნევს, რომ კლიმატის ცვლილება უფრო მეტად მნიშვნელოვანი გამოწვევაა, ვიდრე საერთაშორისო ტერორიზმი და შეიარაღებული კონფლიქტები.
- მოსახლეობის 36.19% თვლის, რომ ვერაფერს გააკეთებს კლიმატის ცვლილების დასაძლევად (მათ შორის, ქალები: 41.4% კაცები: 30.1%).
- გლობალურ დათბობა და გვალვები (96.11%), ბუნებრივი კატასტროფები (92.84%) და
- მყინვარების დნობა და ოკეანეებში ყინულის ფენების შემცირება (91.83%) წარმოადგენს კლიმატის ცვლილებით გამოწვეულ უარყოფით შედეგებს საქართველოს მოსახლეობის აზრით.
- გამოკითხულთა 86.7%-მა იცის, რომ ენერგოეფექტურობის ზომებს გატარების შედეგად მისი ხარჯები შემცირდება, ხოლო 7.9% თვლის, რომ ენერგოეფექტურობის ზომებს გატარების შედეგად მისი ხარჯები არ შეიცვლება.
