ნიკა მელიას მიმართ მმართველი პარტიის გადაწყვეტილებებს ეხმიანება “სტრატეგია აღმაშენებლის” პოლიტსაბჭოს წევრი, სერგო ჩიხლაძე და მიაჩნია, რომ ოპოზიციური პარტიის ხელმძღვანელის დაკავება იქნება ნაბიჯი ჩიხისკენ, სიტუაციის ესკალაციისკენ და მოლაპარაკებების ჩაშლისკენ:
“ის, რაც ხდება ნიკა მელიასთან მიმართებაში, ხელისუფლების მხრიდან, არაფერი აქვს საერთო მართლმსაჯულებასთან და სამართლიანობასთან, ეს არის პოლიტიკური დევნა.
ჩვენ კიდევ ერთხელ მოვუწოდებთ „ქართულ ოცნებას“, შეწყვიტოს ყველა სახის პოლიტიკური დევნა, გაათავისუფლოს პოლიტპატიმრები, რაც ჯერ კიდევ გასული წლის 8 მარტის შეთანხმებითაა გათვალისწინებული.
ნიკა მელიას დაკავება იქნება კიდევ ერთი გადადგმული ნაბიჯი ჩიხისკენ, სიტუაციის ესკალაციისკენ და მოლაპარაკებების ჩაშლისკენ, რისკენაც მიზანმიმართულად მიდის მმართველი პარტია,” – აცხადებს სერგო ჩიხლაძე.
