პარასკევი, მარტი 29, 2024

ნიკა მაჭუტაძე – გიორგი ვაშაძემ პოლიტიკურ სივრცეში შემოიტანა მნიშვნელოვანი მცნებები და ღირებულებები

პოლიტიკური ორგანიზაცია “მოძრაობა სახელმწიფო ხალხისთვის” თავმჯდომარე, ნიკა მაჭუტაძე, “ახალი საქართველოს” ყრილობაზე გამოსვლისას ხაზს უსვამს გიორგი ვაშაძისა და მისი პოლიტიკური ორგანიზაციის როლს ქართულ პოლიტიკაში და აღნიშნავს, რომ “ახალი საქართველოს” ლიდერმა პოლიტიკურ სივრცეში შემოიტანა მნიშვნელოვანი მცნებები – სიტყვის ძალა და ლოგოსის ძალა.

ჩვენ გაცნობიერებული უნდა გვქონდეს ერთი რამ – რა არის ახალი საქართველო, როგორც ჩვენი ერად ყოფნის და მოქალაქეებად ყოფნის საერთო სახლი, ერთიანი სივრცე და ოჯახი. ახალი საქართველო არის ის საქართველო, რომელიც ეროვნულ-დემოკრატიულ ღირებულებებს იცავს და ამ ტრადიციებს აგრძელებს, რომელიც თავის ქვეყანაში ამკვიდრებს ევროპული დემოკრატიის პრინციპებსა და მექანიზმებს, ამკვიდრებს კანონსა და სამართალს, ის საქართველო, რომლის სახელმწიფოც არის ხალხისთვის და სადაც ეს ყველა ძალა არის ერთობაში.

სახელმწიფოებრივი სივრცისათვის ეს პოლიტიკური ორგანიზაცია არის უმნიშვნელოვანესი პოლიტიკური ორგანიზაცია, იმდენად, რამდენადაც ჩვენ საქმე გვაქვს მოდერნიზებული, ახალი შინაარსით აღსავსე მოძრაობასთან. ეს ყველაფერი გულისხმობს თანამედროვე, ევროპული შინაარსების შემოტანას იმ დამყაყებულ სივრცეში, იმ უღირებულო სივრცეში, რასაც ეს ე.წ. ქართული ანტიპოლიტიკა ჰქვია.

გიორგი ვაშაძემ, თავისი ახალგაზრდული ენერგიით, იმ ენერგიით რომელიც ახლა წალეკვით ემუქრება ივანიშვილის რეჟიმს, შემოიტანა ეს ღირებულებები და ცნებები.

ჩვენ, გიორგი ვაშაძეს და ამ პოლიტიკურ მოძრაობას, მადლობა უნდა ვუთხრათ უპირველეს ყოვლისა იმისათვის, რომ ამ შინაარსით დაცლილ პოლიტიკურ სივრცეში ეს მცნებები შემოიტანა, შემოიტანა სიტყვის ძალა და ლოგოსის ძალა, ის რაც ასე ძალიან გვაკლია და რის დეფიციტსად ასე განვიცდით“- განაცხადა ნიკა მაჭუტაძემ.

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული