“სტრატეგია აღმაშენებლის” პოლიტსაბჭოს წევრი, განათლების მიმართულების ხელმძღვანელი, ნანა ტოხვაძე განათლების სამინისტროში მიმდინარე პროცესებს აანალიზებს, კიდევ ერთხელ აღნიშნავს სამინისტროს უპასუხისმგებლობასა თუ არაკომპეტენტურობას და ამასთან, კონკრეტულ პასუხგაუცემელ პრობლემებზე ამახვილებს ყურადღებას:
“ყველაფერს #რომდავარქვათთავისისახელი! საჯარო სკოლებს, რომლებსაც დღემდე ჩატეხილი ფანჯრის შუშის გამოცვლა არ შეეძლოთ “ზემდგომი” სამინისტროს ნებართვის გარეშე, უცაბედად “სრული თავისუფლება” მიენიჭათ, ოღონდ მხოლოდ პასუხისმგებლობის ნაწილში!
განათლების სამინისტროს უპასუხისმგებლობაზე და არაკომპეტენტურობაზე უკვე ბევრჯერ მოგახსენეთ ფაქტებით!
დღეს, როცა პანდემიის პირობებში სკოლების არაეფექტურ მართვაში ვადანაშაულებთ სამინისტროს, ვგულისხმობთ ბატონ ჩხენკელს თავის მოადგილეებიანად, როგორც კომუნიკაციის დეფიციტში შემჩნეულებს მშობლებთან, მასწავლებლებთან თუ მთლიანად საზოგადოებასთან, ამ ძნელბედობის ჟამს.
რადგან სათქმელი არაფერი აქვთ, “ხელებიც დაიბანეს” როგორც დეტალური გეგმის შემუშავების, ასევე ინფორმაციის მიწოდების ანგარიშვალდებულებისგან. ძალიან შემცდარან თუ ჯოხის გადატეხვას იმ მშობლებზე აპირებენ, ვინც #ვითხოვდითგეგმას ან იმ მასწავლებლებზე, რომლებმაც ყველაზე კარგად იციან სკოლებში გამეფებული საფრთხეების შესახებ!
დღემდე არ არსებობს პასუხები:
1) რატომ არ გამოვიყენეთ დახმარების სახით მიღებული ფინანსური რესურსი სკოლების მომზადებისთვის? რაში დაიხარჯა ვალად თუ საჩუქრად ათვისებული მილიარდები?
2) ვიცით, რომ Covid-19-ის პირობებში სკოლების სველი წესით დასუფთავება სასიცოცხლოდ მნიშვნელოვანია. რა ხდება ამ დროს?! დამლაგებლის ანაზღაურება კვლავ 210 ლარია მცირეკონტიგენტიან სკოლებში, ხოლო 1800-ზე მეტი მოსწავლის შემთხვევაში 375 ლარი (დარიცხულ თანხაზე ვსაუბრობთ);
3) სკოლის დირექცია/ადმინისტრაცია, რომელმაც დამოუკიდებლად უნდა მართოს პროცესი პანდემიის მძვინვარების პირობებში, უცაბედად “გახდა სრულად თავისუფალი” ცენტრალიზებული მმართველობისგან, რადგან თუ რამე “შეეშალათ” , მარტივად მათზე გადატყდება ჯოხი!
დირექტივა ასეთია – მართეთ ნაკადები, დაგეგმეთ უსაფრთხო სასწავლო გრაფიკი, პასუხი აგეთ მოსწავლე-მასწავლებლის ჯანმრთელობის უზრუნველყოფაზე და ა.შ. აქაც, ადმინისტრაციის ანაზღაურება, რიგ შემთხვევებში, საარსებო მინიმუმს ჩამოცდენილია! საუკეთესო შემთხვევაში, მთელ 300 ლარიან ყოველთვიურ ანაზღაურებაზე ვსაუბრობთ!
ასე არ გამოვა განათლების, მეცნიერების, კულტურისა და სპორტის სამინისტრო ნაცარიც აღარ გყოფნით, აშკარად!!!” – წერს ფეისბუქის პირად გვერდზე
” – თემურ ჯანაშია