ინფექციური პათოლოგიის და შიდსის ცენტრის დირექტორი „რუსთავი 2“-ის ეთერში ვაქცინაციის მნიშვნელობის შესახებ საუბრისას მოსახლეობას მიმართავს და აცხადებს, რომ COVI-19-ის საწინააღმდეგო ვაქცინა არის აბსოლუტურად უსაფრთხო:
“მაშინ, როდესაც მთელი ძალისხმევა მიმართულია იქითკენ, რომ როგორმე ვიშოვოთ, რაც შეიძლება მეტი ვაქცინა და ყველა ზომას მივმართავთ ამისთვის, ათასნაირ გზებს ვეძებთ, ვაწარმოებთ ორმხრივი მოლაპარაკებას Covax-პლატფორმასთან და სხვა, გამოიკვეთა იმის ალბათობა, რომ ვაქცინის საკმარისი რაოდენობა ქვეყანაში შემოვიდეს და ამ დროს კი, თუ შემოსული ვაქცინები მოსახლეობამ არ გამოიყენა, მაშინ მთელი ძალისხმევა იქნება ფუჭი.
მე მინდა მივმართო მოსახლეობას, რომ ეს არის მცდარი პოზიცია, ვაქცინა არის აბსოლუტურად უსაფრთხო, მას აქვს მინიმალური გვერდითი მოვლენები“, – განაცხადა თენგიზ ცერცვაძემ.
