ჯაბა ბოჯგუას დედამ, მანანა გვასალიამ სოციალურ ქსელში შვილის ნაყიდი ნაძვის ხის ფოტოები გამოაქვეყნა ემოციური ტექსტის თანხლებით, რომელშიც იგი იმ ბედნიერ დროს იხსენებს, როდესაც ჯაბა აქტიურად იღებდა მონაწილეობას ახალი წლის სამზადისში:
‘‘ეს ნაძვის ხე, იმ ბედნიერ წლებში, ჯაბამ შეიძინა, სიხარულით ააწყო და ნაახალწლევს თვითონვე სათუთად ჩაალაგა ყუთში. მის მერე, 13 წლის განმავლობაში, სულ ვფიქრობდი, რომ ჯაბა ფეხზე წამოდგებოდა და ნაძვის ხე ისევ გაიშლებოდა ჩვენს სახლში… იმედი არ დამიკარგავს, მაგრამ მარტო დარჩენილი, ჯაბას მაგივრად, უკვე მის ნივთებს ვეფერები.
თან ვტიროდი და თან ვაწყობდი. ერთ სათამაშოს ზედ ჯაბა აწერია, განსაკუთრებული მოფერება იცოდა, ბებიაზე გიჟდებოდა, სულ უნდოდა რამეთი გავეხარებინეთ. ახალ წელს მუდამ დიდი სიხარულით ხვდებოდა…
ახლა, როცა არც დედა მყავს, არც შვილი, მარტო დარჩენილი, ჯაბას მაგივრად, მის ნივთებს ვეფერები, მას როგორც უყვარდა, მას როგორც მოსწონდა, მიყვარხარ დე’’, – წერს მანანა გვასალია ფეისბუქის პოსტში.
ავტორი
ანა რობაქიძე