საქართველოს სტატისტიკის ეროვნული სააგენტო 2020 წლის (იანვარი-ნოემბერი) საგარეო ვაჭრობის შესახებ წინასწარ მონაცემებს ვებგვერდზე აქვეყნებს. გამოქვეყნებული მონაცემებიდან ჩანს, რომ გასული წლის ანალოგიურ პერიოდთან შედარებით საქონლით საგარეო სავაჭრო ბრუნვის 14.6%-ით კლებაა დაფიქსირებული:
2020 წლის იანვარ-ნოემბერში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 10 202.4 მლნ. აშშ დოლარი შეადგინა, რაც წინა წლის შესაბამის პერიოდთან შედარებით 14.6 პროცენტით ნაკლებია. აქედან ექსპორტი 3 016.4 მლნ. აშშ დოლარს შეადგენს (11.3 პროცენტით ნაკლებია), ხოლო იმპორტი 7 186.0 მლნ. აშშ დოლარს (15.9 პროცენტით ნაკლებია). საქართველოს უარყოფითმა სავაჭრო ბალანსმა, 2020 წლის იანვარ-ნოემბერში, 4 169.5 მლნ. აშშ დოლარი შეადგინა, რაც საგარეო სავაჭრო ბრუნვის 40.9 პროცენტია.
საგარეო ვაჭრობის ზოგადი მაჩვენებელი ბოლო ექვსი წლის განმავლობაში კი ასე გამოიყურება:
სტატისტიკური მონაცემების მიხედვით, 2020 წლის იანვარ-ნოემბერში უმსხვილესი საექსპორტო სამეული შემდეგნაირად ჩამოყალიბდა: ჩინეთი (445.9 მლნ. აშშ დოლარი), აზერბაიჯანი (399.6 მლნ. აშშ დოლარი) და რუსეთი (396.6 მლნ. აშშ დოლარი), ხოლო საიმპორტო პარტნიორების პირველ სამეულში შედის: თურქეთი (1 257.9 მლნ. აშშ დოლარი), რუსეთი (789.1 მლნ. აშშ დოლარი) და ჩინეთი (646.3 მლნ. აშშ დოლარი).
2020 წლის მონაცემებით, ქვეყნის უმსხვილესი სავაჭრო პარტნიორები ასე გადანაწილდა: თურქეთი (1 429.3 მლნ. აშშ დოლარი), რუსეთი (1 185.7 მლნ. აშშ დოლარი) და ჩინეთი (1 092.2 მლნ. აშშ დოლარი).
უმსხვილესი საექსპორტო და საიმპორტო საქონლის ათეული 2020 წლის მონაცემებით:
საქონლით საგარეო ვაჭრობა ვიდეორგოლში
ავტორი
ნინი შავლაძე