10 დეკემბერი ადამიანის უფლებების დაცვის საერთაშორისო დღეა. ამასთან დაკავშირებით განცხადებას ავრცელებს საქართველოს მთავრობის მეთაური გიორგი გახარია:
“დღეს ადამიანის უფლებების დაცვის საერთაშორისო დღეა. ამ დღეს მინდა მადლობა გადავუხადო ჩვენი ქვეყნის ყველა გულშემატკივარს, რომელთა მხარდაჭერით, პანდემიის პირობებში, ვინარჩუნებთ ადამიანის უფლებათა დაცვის სტანდარტს და ვაგრძელებთ ახალ გამოწვევებთან გამკლავებას.
ბოლო წლების განმავლობაში ქვეყანამ ადამიანის უფლებების დაცვის მიმართულებით როგორც საკანონმდებლო, ისე პრაქტიკულ დონეზე, არაერთი მნიშვნელოვანი ნაბიჯი გადადგა. მჯერა, ერთობლივი ძალისხმევით, გავაგრძელებთ ადამიანის უფლებათა დაცვის არსებული მექანიზმებისა და აღსრულების გაძლიერებას, მყარი ინსტიტუციური გარანტიების შექმნას, – აცხადებს გიორგი გახარია.
კომენტარები - დატოვეთ თქვენი მოსაზრება