ექსპერტი საერთაშორისო ურთიერთობებსა და ევროპულ პოლიტიკაში, გიორგი რუხაძე ხელისუფლებასა და ოპოზიციას შორის გამართულ მოლაპარაკებებში სტრატეგიული პარტნიორი ქვეყნების ელჩების ჩართულობისა და მათი პოზიციების შეფასებას ახდენს:
“მგონი ბევრს არ ესმის რა განაპირობებს ელჩების მოტივიას უბიძგონ ოპოზიციას პარლამენტში შესვლისკენ და ამიტომაც მიაჩნიათ ზოგიერთებს, რომ თითქოს ისინი ივანიშვილს ემხრობიან.
ჩვენი დასავლელი პარტნიორების ამოცანაა არ დაუშვან საქართველოს თურქმენიზაცია ანუ ერთპარტიული პარლამენტი (მიუხედსავად იმისა ვისი ბრალია ეს). ამიტომ, სანამ იარსებებს მექანიზმები, რომ ეს პარლამენტი მრავალპარტიულად შედგეს, ელჩების ტაქტიკა ანალოგიური იქნება. თუმცა, თუ ეს პარლამენტი საბოლოოდ გაფორმდება ერთპარტიულად და ოპოზიცია საბოლოოდ უარს იტყვის მანდატებზე, ეს აუცილებლად გამოიწევეს ელჩების პოზიციის ცვლილებას. მათი წნეხი კი გადაინაცვლებს ხელისუფლებზე, რომ დანიშნონ რიგგარეშე არჩევნები, რადგან სწორედ რიგგარეშე არჩევნები გახდება ამოცანის (მრავალპარტიული პარლამენტი) მიღწევის ერთადერთი საშუალება“, – წერს ფეისბუქის პირად გვერდზე გიორგი რუხაძე.
