ანტისაოკუპაციო მოძრაობის ლიდერი, დავით ქაცარავა ფეისბუქის პირად გვერდზე პოსტებს აქვეყნებს და ოკუპანტების მიერ გატაცებულ ადამიანებზე საუბრობს. ის, ერთ-ერთი რუსული სააგენტოს ინფორმაციაზე დაყრდნობით აცხადებს, რომ ოკუპანტებმა მირიან თაზიაშვილი 2 კვირის წინ გაიტაცეს და სააგენტოსვე ინფორმაციით ცნობილი ხდება, რომ აღნიშნულ პიროვნებას 2 თვიანი პატიმრობა შეუფარდეს:
„რა უცნაურია, როდესაც გატაცებულ მოქალაქეებთან დაკავშირებულ ინფორმაციას ოკუპანტისგან იგებ..
30 ნოემბერს, სოფელ ქვეშის 2 მაცხოვრებელი გაიტაცეს ოკუპანტებმა…
დღემდე ვერ ამოვხსენი, რატომ გვიმალავს ხელისუფლება ინფორმაციას გატაცებებთან დაკავშირებით?
ხო, მირიან თაზიაშვილი, სოფელ ზარდიანთკარის მცხოვრები, რომელიც ოკუპანტებმა 2 კვირის წინ გაიტაცეს, ჯერ კიდევ ოკუპანტის ტყვეობაში რჩება…
როგორც გაირკვა, 2 კვირის წინ, სოფელ ზარდიანთკარიდან გატაცებული, 63 წლის მირიან თაზიაშვილს, ოკუპანტებმა წინასწარი 2 თვიანი პატიმრობა შეუფარდეს.
ამჟამად, ოკუპანტების ტყვეობაში რჩებიან:
2019 წლის 26 ნოემბერს გატაცებული გენადი ბესტაევი;
2020 წლის 11 ივლისს გატაცებული ზაზა გახელაძე;
2020 წლის 20 ნოემბერს გატაცებული მირიან თაზიაშვილი;
2020 წლის 30 ნოემბერს გატაცებული სოფელ ქვეშის 2 მაცხოვრებელი, რომელთა ვინაობა ჩვენთვის ჯერ უცნობია.
ხელისუფლება კვლავ სტატისტის როლშია.
პ.ს. სუსი ქვეშელების გატაცების ფაქტს არ ადასტურებს“, – წერს დავით ქაცარავა ფეისბუქის პირად გვერდზე.
ავტორი
ნინი შავლაძე
