საქართველოსა და ნატო–ს პარტნიორობა ყველას უფრო დაცულს გვხდის – იენს სტოლტელბერგი

117

ნატოს ალიანსის წევრი ქვეყნების საგარეო საქმეთა მინისტრების ონლაინ შეხვედრა გაიმართა, სადაც ნატოს გენერალურმა მდივანმა, იენს სტოლტენბერგმა შეხვედრის წინ გამართულ პრესკონფერენციაზე საქართველოსა და ნატოს შორის არსებულ საკითხებზე გაამახვილა ყურადღება.

გენერალური მდივნის განცხადებით საქართველოს მიმართ ალიანსის მხარდაჭერა გაიზარდა და რიგი პროცესები საკმაოდ წარმატებით მიმდინარეობს. მან ასევე აღნიშნა, რომ ნატოსა და საქართველოს შორის პარტნიორობა ნატოს წევრი ქვეყნებისთვისაც ისეთივე მნიშვნელოვანია, როგორც ჩვენი ქვეყნისთვის:

საქართველოსთან მჭიდროდ ვთანამშრომლობთ შავი ზღვის რეგიონში. ჩვენ ასევე გავაძლიერეთ მხარდაჭერა საქართველოს მიმართ და ახლა ერთად უფრო მეტს ვაკეთებთ საზღვაო სფეროში, მათ შორის, ვწვრთნით სანაპირო დაცვის სამსახურს, ვუზიარებთ ერთმანეთს საჰაერო სივრცეში გადაადგილების მონაცემებს და ჰიბრიდულ გამოწვევებსაც ერთად ვპასუხობთ.

საქართველოსა და ნატო პარტნიორობა ყველას უფრო დაცულს გვხდის. ამიტომ, მტკიცედ მჯერა, რომ ეს პარტნიორობა კარგია არა მხოლოდ საქართველოსთვის, არამედ NATOსთვისაც“ – აღნიშნა იენს სტოლტენბერგმა.

NATO-ს გენერალურმა მდივანმა ისაუბრა საქართველოს ნატოს წევრობის საკითხზეც. როგორც ის აღნიშნავს არ უნდა კონკრეტული თარიღით სპეკულაცია, თუმცა აცხადებს, 2008 წელს ბუქარესტის სამიტზე მიღებული გადაწყვეტილება კლავაც ძალაში რჩება.

არ დავიწყებ სპეკულაციებს, როდესაც საქმე ეხება NATOში გაწევრიანების თარიღს, თუმცა ვიტყვი, რომ 2008 წელს ბუქარესტის სამიტზე მიღებული გადაწყვეტილება ძალაშია.

მე მჯერა, რომ საქართველოსთვის ალიანსთან დასაახლოებლად საუკეთესო გზად რჩება რეფორმების იმპლემენტაცია, უსაფრთხოებისა და თავდაცვის ინსტიტუტების მოდერნიზაცია და ნატო მოკავშირეები აგრძელებენ საქართველოს მხარდაჭერას – განაცხადა ნატოს გენერალურმა მდივანმა.

სტოლტენბერგმა ასევე ხაზი გაუსვა იმასაც, რომ 2030 წლის ნატო-ს სტრატეგია სწორედ ალიანსის გაძლიერებას ეხება, მათ შორის, საქართველოსთან რიგი  საფეხურების გავლას, რომელიც თანამშრომლობის გაღრმავებისკენ არის  მიმართული.

ავტორი
ნინო ცინცაძე

კომენტარები