მთავრობის ადმინისტრაციაში საკოორდინაციო საბჭოს წევრების ბრიფინგზე, განცხადება გააკეთა დაავადებათა კონტროლის ეროვნული ცენტრის გენერალურმა დირექტორმა ამირან გამყრელიძემ, რომელმაც ისაუბრა ქვეყანაში არსებული ეპიდვითარების შესახებ:
„გლობალურად დღეს 63 მლნ-ზე მეტია უკვე ინფიცირებული, 502 000 იყო დღეს ახალი შემთხვევა მთლიანად მსოფლიოში, სამწუხაროდ მილიონ 465 ათასი არის გარდაცვლილი, განსაკუთრებით რთულია სიტუაცია ევროპის რეგიონში, სადაც ფიქსირდება ახალ შემთხვევათა თითქმის ნახევარი, აქედან გამომდინარე რამდენიმეჯერ მოგახსენეთ, რომ ძალიან საყურადღებოა ბოლო ორი კვირის განმავლობაში სიკვდილიანობის მაჩვენებელი, რომელიც ევროპაში გაიზარდა და ის გავიდა მეორე ადგილზე, გულის იშემიური დაავადების შემდეგ, ზოგადად სიკვდილიანობის სტატისტიკაში პირველ ადგილას ყოველთვის არის გულ-სისხლძარღვთა დაავადებები.
დღეს დილისთვის ჩვენ გვაქვს 3216 ახალი შემთხვევა:
თბილისი – 1622
იმერეთი – 517
აჭარა – 313
ქვემო ქართლი – 187
კახეთი – 161
სამეგრელო-ზემო სვანეთი – 160
შიდა ქართლი – 82
მცხეთა-მთიანეთი – 77
სამცხე ჯავახეთი – 74
გურია – 19
რაჭა-ლეჩხუმი – 4
საყურადღებოა, რომ ყველაზე მეტი ინფიცირებულ ადამიანებში გახლავთ სიმპტომიანი პაციენტი-63%, კონტაქტები – 251, სამედიცინო პერსონალი – 155, აქტიური შემთხვევა ქვეყანაში არის 20 305, აქედან გამოჯანმრთელების პროცენტი 84% გვაქვს.
დღევანდელმა გამოჯანმრთელებულების რიცხვმა, გადააჭარბა ახლად ინფიცირებულთა რაოდენობას. გარდაცვლილია 1267, რაც 0.93%-ია საერთო ინფიცირებაში სიკვდილიანობის, დღეს გარდაცვლილთა რაოდენობა არის 37. PCR ტესტი მთლიანად ჩატარებულია ქვეყანაში მილიონ 200 ათასამდე“, – განაცხადა ამირან გამყრელიძემ.
ავტორი
ემილი ფეიქრიშვილი
