„სტრატეგია აღმაშენებლის“ ერთ-ერთმა ლიდერმა, სერგო ჩიხლაძემ დაწესებული შეზღუდვების თაობაზე ისაუბრა და აღნიშნა, რომ ამ ეტაპზე მსჯელობა მიმდინარეობს გეგმებზე და როდესაც საერთო გადაწყვეტილებას მიიღებენ, ამის შესახებ შესაბამისი განცხადება გაკეთდება:
„დაწესებული შეზღუდვები, რა თქმა უნდა, ცვლიან არსებულ რეალობას აქედან გამომდინარე ვიკრიბებით, რომ დავგეგმოთ კონკრეტული ნაბიჯები, რაც შეეხება აქციებს, ზოგადად სხვადასხვა სახის ღონისძიებები იქნება, თუმცა დიდ აქციას რომელის ჩატარებასაც ვფიქრობდით პარლამენტის შეკრების პირველ დღეს, ჯერ არ ვიცით როდის დაინიშნება აღნიშნული დღე.
ასევე არსებულ შეზღუდვებთან დაკავშირებით ჩვენ გადავგეგმავთ კონკრეტულ ნაბიჯებს, მაგრამ საბოლოო ჯამში საერთო შეთანხმების მიღწევის შემდეგ არ გამოვრიცხავ, რომ აღარ შედგეს მასშტაბური აქცია, მაგრამ ჯერ ამის შესახებ საბოლოო გადაწყვეტილება არ მიგვიღია, საერთო გადაწყვეტილებას მსჯელობის შემდეგ შეგატყობინებთ“, – განაცხადა სერგო ჩიხლაძემ.
ავტორი
ემილი ფეიქრიშვილი
