ჟურნალისტი დათო ლიკლიკაძე ფეისბუქის გვერდზე პირად იმ მოქალაქეების პოზიციას ეხმიანება, რომელთა აზრითაც ქვეყანა უნდა ჩაიკეტოს. მისი თქმით, ამ შემთხვევაში, გასათვალისწინებელია იმ ადამიანთა მდგომარეობა, რომელთა შემოსავალსაც მათი ყოველდღიური აქტივობა განსაზღვრავს:
‘‘რამდენიმე შემხვდა აქ რომელიც გაჰკივის (ხავილით!) – აოეე მთავრობა, სასწრაფოდ დაკეტე ქვეყანაო. თან დღესვეო, თან ახლავეო, ამ პოსტს როგორც გამოვაქვეყნებ იმ წამსვეო.
ძაან მაგარი მოქალაქე რომ ხარ, იქნება იმაზეც იფიქრო ვინც დღიურ შემოსავალზეა (მარშუტკის მძღოლები, ტაქსისტები, დისპეჩერები, „სტაიანშიკები“, მოვაჭრეები, მიმტანები, ბაზრები და ბაზრობები, „კაჩკის“ მზიდავები, უკანონო, მაგრამ მაინც გარე მოვაჭრეები, მცხობელები, დამლაგებლები,რეპეტიტორები, ყვავილების სალონები, დიზაინერები, სტილისტები, კერძო სახელოვნებო წრეების პედაგოგები, ვიდეო გადამღებები, მუსიკოსები, ფოტოგრაფები, ივენთკომპანიის თანამშრომლები და უამრავი, ამას ვინ ჩამოთვლის), ანუ მთელი ქვეყნის თითქმის 60-70%. ამას ვამბობ მე, ადამიანი, რომელსაც თუ ჩაგვკეტავენ ხელფასი ყველგან მინარჩუნდება, ან ონლაინ საქმეებიც მაქვს, მაგრამ შეიძლება მარტო ჩემი ოჯახის კეთილდღეობით ვიფიქრო? ხოდა დაფიქრდი შენც პასუხისმგებლიანო მოქალაქე და ნუ უბაკუნებ ერთი ფეხებს ნურც ხელისუფლებას და ნურც ჩვენ.
შენ თვითონ რომ დაჯდე მანამდე სახლში და ჩაიკეტო? ხომ გცოდნია რაც უნდა ვქნათ და აწი შენ ჩაიკეტე და მიხედე ჯერ შენ თავს. ყველა რომ მიხედავდეს მის თავს იქნება და ეს ლოქდაუნიც არ დაგვჭირდეს’’, – წერს დათო ლიკლიკაძე.
ავტორი
ანა რობაქიძე
