“პოლიტიკური დიალოგი და დისკუსია პარლამენტში უნდა განვაგრძოთ” – არჩილ თალაკვაძე

39
პარლამენტი

საქართველოში ჩატარებული 31 ოქტომბრის საპარლამენტო არჩევნების შეფასებას ახდენს პარლამენტის თავმჯდომარე არჩილ თალაკვაძე და მიაჩნია, რომ ნაცვლად იმისა რას არ ვეთანხმებით, სჯობს ვიფიქროთ იმაზე – რა პრობლემების და ამოცანების გადაჭრას ელოდება საზოგადოება პოლიტიკოსებისგან:

ჩატარებული არჩევნები არის შესაძლებლობა, რომ ჩვენს მოქალაქეებს სტაბილური პოლიტიკური მმართველობა შევთავაზოთ.

2020 წლის არჩევნების შედეგად, საზოგადოებამ 9 პოლიტიკური პარტია, არაერთი ახალი პოლიტიკოსი და მეტი ქალი შეიყვანა პარლამენტში; პირველად უახლეს ისტორიაში, აღარავის აქვს ჭარბი უმრავლესობა, ოპოზიციას კი რეგლამენტით ქმედითი საპარლამენტო ბერკეტები გააჩნია. შესაბამისად, ეს ქმნის შესაძლებლობას, რომ ახალი პარლამენტი უფრო შედეგზე ორიენტირებული, ჯანსაღ პოლიტიკურ დისკუსიაზე დაფუძნებული და მონაწილეობითი იყოს.

ნაცვლად იმისა რას არ ვეთანხმებით, სჯობს ვიფიქროთ იმაზე – რა პრობლემების და ამოცანების გადაჭრას ელოდება საზოგადოება პოლიტიკოსებისგან. თითოეულ ოპოზიციურ პარტიას, რომელმაც საარჩევნო ბარიერი გადალახა, აქვს რესურსი და შესაძლებლობა თავისი წვლილი შეიტანოს ქვეყნის განვითარებაში. პოლიტიკური დიალოგი და დისკუსია კი პარლამენტში უნდა განვაგრძოთ. პანდემიის მიუხედავად, 2 მილიონამდე მოქალაქემ მიიღო არჩევნებში მონაწილეობა და ჩვენ უფლება არ გვაქვს, მათი არჩევანი ეჭვქვეშ დავაყენოთ“, – აცხადებს არჩილ თალაკვაძე.

ინფორმაციას საქართველოს პარლამენტის პრესსამსახური ავრცელებს

კომენტარები